كلمات اغنية ليت الجروح قصاص مكتوبة كاملة – كلمات ليت الجروح قصاص واخذ بثاري كلمات الاغنية للشاعر : سعود الشبرمي , غناء الفنان : مزعل فرحان

كلمات اغنية ليت الجروح قصاص

ليت الجروح قصاص واخذ بثاري
لاجرحك جرحٍ ما يداويه دكتور

جرحٍ يطفي من لواهيب ناري
ويشفي غليلٍ لاعه الهم والجور

سقيت قلبي بالغدر سم هاري
واودعت عقلي تايه الراي مخطور

ودي قبل موتي ارد اعتباري
اخاف اموت وخاطري منك مكسور

على كراسي الجرح طال انتظاري
ماتلتفت لي ليه قاسي ومغرور

مفعول غدرك داخل القلب ساري
ماظن في قلبك احاسيس وشعور

لي من كتب ربي عليك انتصاري
ابتركك في ليل الاحزان ماسور

لو الجفا بالحب ماهو شعاري
وحده بوحده وماخذ الثار معذور

محدن بحالي من سواياك داري
اضحك واجامل والحشا منك مقهور

لو الوفاء ماله بخاطرك طاري
يامحترف تجريح قلبي من الشور