كلمات شيلة العهد الاول اداء عبدالعزيز بن كدم عبدالعزيز بن فعاسا كلمات الشيلات
أداء :
عبدالعزيز بن كدم
عبدالعزيز بن فعاسا
كلمات :
عبدالرحمن بن بديع
الكلمات :
عيني اللي عافت النوم من كثر الهجوس
كل ماناموا المخاليق عيت ما تناام
كن بين الجفن والجفن لاغمضت مووس
طول ليلي وان بدالصبح لاحيت الحمام
مادخل قلبي من البيض غير العيطموس
وافحمتني في دروب المحبه والغراام
وردةٍ ارهف من الورد في ايدين العروس
وايتٍ اجمل من البدر من بعد الظلام
وعملةٍ ماتنصرف بالجواهر والفلوس
عملة اسواق السعاده اذاً الحظ قاام
وفتنة اعظم من النار في دين المجوس
واصعب من الصيد صيد الجوازي والنعام
ياوليفي واشهد ان الجفا وجهٍ عبووس
وكل جاني تتجه له اصابع الاتهاام
باتكلم واكسر الصمت والدنيا دروس
والله ان اللي تسويه في قلبي حرام
ولانبي وجه وكفاله ولادينن غمووس
مانبي الا توفي العهد الاول والسلاام
