كلمات شيلة انتم تشوفونا بضيم وساكتين

جديد فلاح المسردي 2019 شيلة انتم تشوفونا بضيم وساكتين الكلمات مكتوبة كاملة مع الشيلة كلمات انتم تشوفونا ، كلمات نجم الاسلمي شيلة انتم تشوفونا بضيم وساكتين للمنشد فلاح المسردي

 

كلمات قصيدة انتم تشوفونا

 

انتم تشوفونا الكلمات

 

انتم تشوفونا بضيم وساكتين
واسكت وانا اسكت لاش علم ولا خبر

هذي سنة واصبر علينا وسنتين
واصبر علينا يوم واسبوع وشهر

ليا نخيناكم ترانا ضايقين
والله فلا جيناك باليوم العثر

ماعاد باقي عندنا غير اليقين
وسلوم أهلنا والكرامة والشعر

أما الصبر واحلامنا راحن طحين
صبر محرم سارقينه من صفر

راحٍ على كذب المنافق والذهين
اللي فعل واللي ترك واللي دمر

اللي ليا جيته بسط لك باليمين
شمس الضحى وبكف يسرى كالقمر

البعض يشاهد :  كلمات شيلة طواك الليل - عبدالعزيز القعبوبي

عدك على الهداج ولا الرافدين
وان صملت على عد الحفر

واليوم لو يصعب علي بوح الكنين
يحدنا للمر شيء منه أمر

وأخيرك يا طير سلوى حاجتين
أما السنع ولا تسلفنا صبر

صابتني التخمة من العذر السمين
ماعاد في جوفي مكانٍ للعذر

صرنا من أحداث الليالي ملكعين
ولا اول أجواد نجامل ونعذر

شرهين لكن نقتنع في كلمتين
ونصدق أن القدر يبقى بالصدر

الله يعين ايه ادري الله يعين
والله لا يتكلنا على زيد وعمر

حنا على رب البشر متوكلين
والسعي في أرض الله على كل البشر

ونورد الشرهات صوب الغانمين
اللي سمعنا عن علومه ونخبر

خطو ابلجن جربوها الطيبين
لا مرة ولا مرتين ولا عشر

وليا تبين موقفٍ قاسي يبين
وياخذ شهاده حسن تدبير وشكر

البعض يشاهد :  كلمات شيلة لا ماعلى الدنيا ياقلبي حسايف - فلاح المسردي (الجرح)

نجي على الهقوات صوب الشامخين
اللي يعرفون الشموخ من الكبر

من الحيا والمرجله متجملين
ونفوسهم وبيوتهم ماهي قفر

يمديك عن وصف السنا في شارتين
عقب نباه اللي مثل قطف الزهر

لو راحت التندى يبي يندى الجبين
عن قولة عن واجب العاني قصر

أخذ على نفسي قبل وصله يمين
قدره يزود ولا ينقص لي قدر

 

 

شيلة انتم تشوفونا

 

شيلة : انتم تشوفونا كلمات : نجم الاسلمي ألحان و أداء : فلاح المسردي