كلمات شيلة لا جفانا القل احمد آل حويله
كلمات : سعد بن جدلان رحمه الله
يالله ياللي ماخشى غير خوف منك خوف
لا شريك له بملكه ولا يعبد سواه
فيك تشخيص البصاير ولك مد الكفوف
ياكريم يكرمون الأكارم من عطاه
عالم اللي ماعلمه شايف اللي مانشوف
خافي سره والأسرار ماهي بتخفاه
لاجفانا القل والـلي روابعهم ضعوف
جعل ربي مايرينا غضبه ولاجفاه
لنقفل باب من الرزق حـرّاسه وقوف
فتحت بيبان الأرزاق من كل اتجاه
والله اني شره وان هقوتي ترقا الطفوف
مير عيا يستحي الفقر من وجه الغناه
كم تعبنا نحسب الجهد مثمر ومخلوف
وكل ماغرسها على قوز ينطحها صفاه
لانشرح وضعي لمثلك سلمت من الحسوف
ان قدر وان ماقدر ماينقص من غلاه
ان قدر يدرك لزومي ملكني بمعروف
وان تعـذّر عن لزومي عسى الدنيا فداه
