قروب وظائف السعودية واتس اب 

أقسام: كلمات الشيلات

كلمات شيلة مناة المصلين , محمد المالكي

كلمات شيلة مناة المصلين مكتوبة , كلمات يا عنق ريمن اعترض في مدى العين كلمات الشيلة أداء محمد المالكي

كلمات شيلة مناة المصلين

يا عنق ريمٍ اعترض في مدى العين ‏

واصاب قلبن فالهوى ما يقاوي ‏

قلبن في الدنيا تجرع من البين ‏

ماهو بقلبن يا كحيله خلاوي

‏يوم الهوى جمرة صدور المحبين

‏وش حال من صدره به الفين كاوي ‏

زدتي بلاي بخطوتك يوم تلفين ‏

يمي وضاعت فالفواد الهقاوي

‏ما كنت احسبه فالهوى يوم بيلين

‏صلب المشاعر يابس الحس خاوي ‏

مستعذبن كأس البلا والامرين ‏

ومتخاوين في طرقته والبلاوي

‏يا لين جيتي يا مناة المصلين ‏

يا حور عينن ما لحسنه مخاوي ‏

قلتي السلام ومرحبا بك واهلين ‏

يا حي شوفك يا فريد الحلاوي ‏

عليك بسم اللي بدا خلقك بطين

‏واحسن وصوفك كنك من نور ضاوي ‏

يسلى بشوفك من غلب جهده الدين ‏

ويبرى سقيمن ما لقوا له مداوي ‏

قالت علامك قلت مبلي بثنتين ‏

وحشة حياه وعمر عشته شقاوي

‏الهم ساكن في فضا هاجسي لين

‏ميلت عودك يا اخضر الغصن راوي

‏بدر بدا ما غير نوره لي يبين ‏

والقلب طبله في خفا الجوف داوي

‏يا أم الرموش الي مثل حد سكين ‏

مفييات في ظلها خد راوي ‏

جابك زماني عقب ما شفت انا الشين

‏وجيتك وانا في خطوتي ما اراوي ‏

صويب سهمن ما وتر قوسه ايدين ‏

ولا سِمه بسمن له النصل حاوي

‏إدواي شهدن ما جمع من بساتين ‏

ولا يحفظونه بالعلب والغطاوي ‏

حلوٍ تزله في الشفايا مكامين

‏احلى من التمر الخلاص الحساوي

‏من مبسمن ما لونته التلاوين

‏مثل الزهر في رقته والحذاوي ‏

قالت وش اسمك ما تعرفت بك مين

‏يالي ملاقيني بحلو الحكاوي ‏

قلت اسمي الي ماختلف دونه اثنين

‏خير الاسامي كلها والعزاوي ‏

قالت وانا باسم المها لي مسمين

‏اسمي مها ويدلعوني مهاوي ‏

قلت ارحبي يا بعد كل المسمين ‏

وعاش الاسم وراع الاسم و السماوي ‏

يا فتنة تمشي مع الناس وتبين ‏

فيك ابتليت وصرت مجنون هاوي

‏انا دخيلك من صلى الشوق يا زين ‏

ماني على زود الصواديف قاوي ‏

هذا اللقاء ما اشفى قلوب المحبين

‏ولاهو مكفي من غدا اليوم هاوي ‏

صدفه لقانا والصدف تنتهي الحين

‏ويبقى اللقاء في ليلنا نجم ضاوي

‏لجل الوصل يبقا قوي بيننا بين ‏

والعمر من دون الوصل ما يساوي

 

.

 

كلمات شيلة مناة المصلين / يا عنق ريمٍ

كلمات الشاعر : محمد بن هتيفر 

اداء: المنشد : محمد المالكي

كلمات دلالية: المالكي المصلين شيلة عنق ريم كلمات محمد مناة مناة المصلين