كلمات شيلة وين انت | فلاح المسردي

كلمات شيلة وين انت | فلاح المسردي ،  وين انت قلي غايب ولا نشوفك، اداء فلاح المسردي

 

وين انت قلي غايب ولا نشوفك
خليتني مابين شوقي وذكراك
قدّر ظروف اللي يقدر ظروفك
انساك كيف انساك انا ماقدر انساك

حطيت قلبي بين راحة كفوفك
وعطيتني كرت الموادع بيمناك
القلب بيتك والمشاعر ضيوفك
لا تبخل بصوتك وطلة محياك

اسمك حفظته قبل لاكتب حروفك
لكن حرام اكتب حروفك ولا اقراك
وخليتني مابين امانك وخوفك
وانا ازعل الدنيا عشان اكسب رضاك

يوم اجتماعي فيك شفت معروفك
واليوم غبت ولا بقى غير طرياك
وصوف غيرك ماتشابه وصوفك
مايشبهك هذا ولا يشبهك ذاك

حيرتني في مشيتك في وقوفك
لاجيت مع ليل الغلا تقصر خطاك
متى على العاشق تمايل قطوفك
ينعم بعد طول المفارق بلاماك