كلمات غلاك أكبر حمدان المري ، كلمات قصيدة ياليل الهجوس اللي سرا والعرب ممسين للشاعر حمدان المري

كلمات غلاك أكبر حمدان المري

ياليل الهجوس اللي سرا والعرب ممسين
وش اللي بقى ف القلب يا ليل ما اظهرته

ما انا بهاقي ان عاده بقى شي لا ذلحين
على كثر ما انكرته وإلى بان ما انكرته

انا اللي بغيت انساه واسلى مع السالين
لكن وين ما لقّيت وجهي تذكرته

على مواصله والبعد خيرت بين أمرين
ولا شارني في مقتضاها ولا شرته

حداها سوات الرفقه اللي لها وجهين
وحداها علينا كنه الداب وشجرته

مابين الوصل بإحراج والا الجفا ببزين
ولا ادري وش اشلى الاختيارين لا اخترته

ما ندري وش الخيره لكن ليت حن دارين
ماهو لازم ان كل اختيار له ثمرته

على ما لحقنا جعل ما حن من الشاقين
إلى قام كل بين قلبه وذاكرته

تذكر وصال موالفه بين حين وحين
غلبه اشتياقه واحتمل فوق مقدرته

احبه إيلين اسج منه واحبه لين
يجيني يبي وصلي والى جا تعذرته

اقوله ولا دونه عذر والشعور يبين

لو أسوِق له ما سقت له ما تكاثرته

نشد عن مكانه قلت ف عيوني الثنتين
قال اسهرت موقك قلت وش عاد لا اسهرته

عسى اللي عطاك وميزك في ذوات الزين
ما يحرم عيون اللي طيوفك معاشرته

ونشد من غلاه وقلت له وين والا منين
ابلقى مثل وصفه مثل ما تبصرته

لو ان الغلا يقسم قلوب العرب قسمين
عرفت ان غلاك اكبر من اللي تصورته

مع اللي تناصفه الشقى بين قلب وعين
فلا ذا بيشفع له ولا ذي بعاذرته

مقفي وهو يرجى حدً يتبع المقفين
على غير وده والمقادير جابرته

حفظ ما مضى والله على المقبلات يعين
مقدر ظروفك لو ظروفك ما قدرته

ترك لك شعور دافنه من ثمان سنين
إيلين اومرك ربي على القلب واظهرته

على قربكم ما الله كتب للظروف تزين
في نفس البلد لا عاد زارك ولا زرته

يسافر يخاف الشوق واللي جحده يبين
إلى ضاق والا اشتاق لك قص تذكرته

كلمات الشاعر : حمدان المري