كلمات قصيدة خفايا الشوق – أحمد العبيد

ودعتك الله وانت فيني غيابك

كلمات قصيدة خفايا الشوق مكتوبة – أحمد العبيد

ودعتك الله وانت فيني غيابك
يظهر خفايا الشوق يانور عيني
ودعتك الله وانتهيت وْبدا بك
قلبٍ يجرّ الحسره بْكل حيني
زهاب عمري مايناسب زهابك
حقيقةٍ تفرض ملامح سنيني
وانا اعذرك واعذر خطايا جنابك
ما أجبرك لو واقعك مايبيني
مكتوب لي إني اعيش اغترابك
شيٍ مقدر لازم إنه يجيني
ولو بالتمني لاندفن في ترابك
طهارتك حلمٍ يراود جبيني
واليوم ابطوي صفحتي في كتابك
بَ اجْمَع بقايا أمس وادفنْك فيني
شفني أنا الذاهب ولا اقوى ذهابك
أعلن رحيلي والمراكب أنيني
عسى عذابي ما يزيده عذابك
وعسى حنينك مايجاوز حنيني

 

البعض يشاهد :  كلمات قصيدة أبا العوائد | أحمد مطر
قد يعجبك ايضا

التعليقات مغلقة، ولكن تركبكس وبينغبكس مفتوحة.