مظهور جيت الشاذلية لحاله , كلمات قصيدة همزان ما نختص واحد لحاله مكتوبة , الكلمات لقصيدة همزان ما نختص واحد لحاله للشاعر أبراهيم الرديعان , كلمات قصيدة همزان ما نختص واحد لحاله مكتوبة
كلمات قصيدة همزان ما نختص واحد لحاله
مظهور جيت الشاذلية لحاله
و اخذت منها قدر خمسة فناجيل
و نعمٍ بمظهور ابو فايز عبا له
الزعفران و عودٍ اشقر مع الهيل
و له طبخةٍ يجعل بهاره عداله
و من دونها ما صك بابه بتقفيل
و قدوع من تمر الشبيكة حلا له
تمره على تمر الجبل به تنافيل
ديرة جدوده يوم عصر الجهاله
حامينها بسيوفهم و المفاتيل
عن كل طماعٍ يحاول يناله
أصعب من الكعبة على راعي الفيل
و بيوتهم يلقى الذراء من عنى له
سلومٍ لشمّر كاسبين التنافيل
و جذيل بن عيسى هذولا عياله
و اللي جهل يلقى التواريخ لجذيل
همزان ما نختص واحد لحاله
متوارثين الطيب جيل بعد جيل
رجاّلهم يتعب لكسب الجماله
قولي صحيح و يشهدون الرجاجيل
و حقٍ على رد الثناء و الجزاله
كلمة وفاء ما هي كذوب و تهاويل
و صلوا على محمد ختام الرساله
ختامها أطيب صلاةٍ و تهليل
