قصائد شوق شعر اشتياق للحبيب

قصائد شوق شعر اشتياق للحبيب كلمات شعرية تلامس الوجدان وترسم لوحة حزينة لشوقنا لمن نحب فـ كلام الاشتياق يوقض الحنين ويعيد المياة إلى مجاريها , هنا نطرح لكم بعض القصائد عن الشوق للحبيب وآبيات شعرية جديدة 2019 من الشعر النبطي المميز والرائع نتمنى ان تنال أعجابكم دعونا نتابع شعر اشتياق مكتوب

قصائد اشتياق وحنين

قصائد شوق شعر اشتياق للحبيب

قصيدة يتعبني التفكير

لاقلت أبي شوفك تعذرت باعذار
وإن قلت كيفك قلت يافاهمٍ غير

يتعبني التفكير يازين واحتار
ولكثرة الأعذار ما شوف تبرير

مدري بحبك وش تبي مني اختار
البعد ولا القرب أبي منك تبصير

تزاحمت بي من تصرفك الافكار
في نظرتك هجر وموده وتقدير

يازين ريحني بجيه ومسيار
ولا قل ابعد ونتفارق على خير

 

قصيدة ظروف الزمن

تلاقيت انا واللي ترك صورته ذكرى
بقلبي وعيني وافترقنا بلا ميعاد

رجيته وعد قال الوعد صعب وانت أدرى
ظروف الزمن ماهي على كيفنا تنقاد

انا لو أبي ودي يصير الوعد بكرى
ولا ودي انه يوم يمضي وحنا ابعاد

رحل ببتسامه والتفت قال مايدرى
يجوز اللقا اللي صار صدفه لنا ينعاد

ترك للرجا قلبي جريحٍ ولا تبرى
جروحه ولو حاولت نسيانها مافاد

عسى الله يعيد بشوف من شوفته تشرى
وينهي فراقٍ منه انا والزمن بجهاد

 

قصيدة سحر النواظر

حبي اللي في خيالي له وصوف
مالقيته غير بعيونك أبد

دايمٍ بالناس بالغالي أشوف
من كمل زينه ولا شدٍ أحد

لين جابتك الليالي والظروف
كنها توعدك في قلبي وعد

بالغلا كنه على القلب محلوف
مايحب الا انت وأعطيك العهد

صابني رمشك وسلمت الكفوف
خابرٍ مابي على اللوعه جهد

صابني سحر النواظر ياهنوف
والحنان اللي بنظراتك بعد

 

قصيدة أيست من رجواك

أيست من رجواك ياناسي الحب
لو بك رجا ماضاع عمري وأنا أرجيك

أربع سنين أرجيك وأشكي لك القلب
أشكي جروحه منك ربي يجازيك

تشوفني يا زين في عابر الدرب
وتصد عني كن غيري يناديك

أعطيك قلبي وانت تعلن لي الحرب
نفسك كبيرة ماتبي من يداريك

تجرحني بصدك وهجرك بلا ذنب
إلا أن قلبي ياهوى النفس يغليك

 

قصيدة جاني من الماضي

جاني من الماضي وفايت لياليه
ينشد عن جروحٍ دفنها زماني

وقفت محتارٍ عيوني تراعيه
أبكي فرح وأبكي ندم من حناني

مديت كفي وارتعش بين أياديه
رديت لسنينٍ مضت في ثواني

بالله وش جابك لقلبي وطاريه
وش لك بتجديد العنا اللي طواني

لاتجرح اللي طاب ما فات كافيه
عطني جديد الحب وأغلى الأماني

عطني حنانٍ ضاع عمري وانا أرجيه
اللي مضى من هم حبك كفاني

 

قصيدة تونا وين ناوي

تونا وين ناوي تروح
خلنا نفرح بشوفك تونا

شوفتك لي هي دواء كل الجروح
لاتسافر فيك قلبي ما اهتنا

من يلوم اللي على خله ينوح
توي أدري ويش حبك ويش انا

دمعتي ماهيب من قلبٍ مزوح
دمعتي فيها المعاني والعنا

لاذكرت أنك عن الديره نزوح
ضاقت الدنيا الوسيعه بالهنا

أنت لي كل المحبه والطموح
وانت لي كل السعاده والمنا

 

شعر اشتياق للحبيب

قد يعجبك ايضا