كلمات اغنية البارحه ليلي عسى | حمد الطيار

كلمات اغنية البارحه ليلي عسى | حمد الطيار ، البارحة ليلي عسى الله يعوده ، غناء حمد طيار

%d9%83%d9%84%d9%85%d8%a7%d8%aa-%d8%a7%d8%ba%d9%86%d9%8a%d8%a9-%d8%a7%d9%84%d8%a8%d8%a7%d8%b1%d8%ad%d9%87-%d9%84%d9%8a%d9%84%d9%8a-%d8%b9%d8%b3%d9%89-%d8%ad%d9%85%d8%af-%d8%a7%d9%84%d8%b7%d9%8a%d8%a7

البارحة ليلي عسى الله يعوده

يازين وصل الليل ما بين الأحباب

جيت الحبيب اللي وفت لي وعوده

ماصار لى منبوز الارداف كذاب

والى مكانه خالي من حسوده

بدا التحية لي على هجة الباب

خليت به يوم الزواهر شهوده

في ساعة عنا هل الشر غياب

عنده الين الصبح بانت عموده

نادى المصلي بالجماعة والاجناب

خلي على راعي الهوى ويش كوده

عليه من هرج العرب ستر وحجاب

شوفه دواي وعلتي من صدوده

ودواه شوفي والمودة لها اسباب

الله يديمه لي ويبقي سعوده

والبيض عقبه لوصفن قلت مااناب

قالوا عشيرك يا ولد ويش زوده

وش نفله بالزين عن تلع الارقاب

من قولهم تو النظر به نعوده

لقيت مابه شي من الشين ينعاب

تسمعوا وصفه وهذا وجوده

ياطا بحدب منهن الروح تنذاب

والساق دملوج سقنه مدوده

في منبته ما هزعه كل هباب

وانف قسم صافي خدوده وسوده

وخرس بلا كحل مضاليل واهداب

جيده ونهده محفياته جعوده

وغر مناظيم عذيات وعذاب

لا طول لا قصر بمشيه ركوده

لادق لا عبج مثانيه ورغاب

وتالي وصوفه ماحصينا عدوده

للقلب نهاب وبالناس لعاب

الشف يمه كل خيط يقوده

ويلويه عن غيره لواليب دولاب

هني من مثلي لمثله يفوده

هذا الوكاد وكثرة الهرج ماجاب

ما دام جسمي مالجا في لحوده

ما انساه وهروجه عجاريف وعجاب

وصلاة ربي عد ما رزم رعوده

على النبي ما طقوا البدو منساب

قد يعجبك ايضا