كلمات شيلة كلمة احبك عبدالله الأهدل مع عبدالله ال مخلص
كلمات : عجلان ثابت
الحان : عبدالله ال مخلص
مشتاق واحترت اوضّحْ
لك كثر الاشواق فيني
ياليت اغمّض وافتِّحْ
والقاك قدّام عيني
حياتي دونك مملّةْ
وش حظّ دنياي منّك؟
اِتغيب والكون كلّه
مايعوّض البعد عنّك
كُبر السما مو كفاية
لو قلت كلمة أحبك
كثر اللي ماله نهاية
بقولها واحتفل بك
واتخيّلك في حضورك
يفهم حنانك حناني
وبلحظة يصبح شعورك
نفس الشعور اللي جاني
ياللي حلاك بْزيادة
حتى القمر مايزودك
ياللي وجودك سعادة
مالي غِنا عن وجودك
