كلمات قصيدة السكين والحلقوم | ناصر الفراعنة
كلمات قصيدة السكين والحلقوم | ناصر الفراعنة ،شاهين يا سيدي والناس منجومه … زودٍ على ما تشيله فوق كاهلها ، الشاعر ناصر الفراعنة
شاهين يا سيدي والناس منجومه … زودٍ على ما تشيله فوق كاهلها
من ميسمك شفت بعض الناس موسومه … وقفتك يعجز كثير الناس ياصلها
حيلك بخبلٍ يفوح الشين بهدومه … والناس ربي ببعض الناس مشغلها
من لا يحرّك يدينه قبل بلعومه … تطمَعْ به الناس جاهلها وعاقلها
ناسٍ تفاخر وهي ما حصلّت ثومه … وتبغى تجمّل وعيا الله يجمّلها
وبعض العرب في الردى ماهيب مليومه … ربي على كلّ فعلِ شين جابلها
ماهيب لا ترحم ولا هيب مرحومه … ولو لبّسوها الذهب مالله بقابلها
كم واحدٍ في المراجل كثّر علومه … وان جيت للصدق إلى ما هو من آهلها
وكم واحدٍ بالحكي يا زين منظومه … واللازمه لا بداها ما يكمّلها
يا كثر من جبهته بالعار موصومه … وصّه على كلّ سودا فعل وازهلها
إن ما تعقّبت بالسكّين حلقومه … والا فلا نيب من خيالة البلها
حالف لأبيّح مع العربان مكتومه … واحطّ في لحيته لين يتحثولها