كلمات قصيدة الطلقه في بنته ريناد | مساعد الرشيدي
كلمات قصيدة الطلقه في بنته ريناد | مساعد الرشيدي ، من ابوك ؟ مساعد ابوك يا الطـلقه ، مساعد الرشيدي
من ابوك ؟ مساعد ابوك يا الطـلقه
انتي الريناد مانتي رونديه
بنت من غـنّوا على قافه اوطرقه
الـنـوارس و المدارس بـناديه
المسـا كيفه يجي صبح من حقه
وان بغى عـرضه ودبكه و رديّه
من زمـان ما زما الجهل و البرقه
ورقـحوا مثل الجراد التهاميّه
الكـمخ في نفسـها ماخذه علقه
غرّها تبني بويـتات محـميّه
يا المهمهـم والرعد يسبقه برقه
لا ترزّم جـاك يدوي شـماليّه
مادريت انه ثنى السيف والطـلقه
مادريت انه دوى السم في الحيّه
بنت يا ريناد يا شـيخـة الحلقه
إنشـدي العربان بدوٍ وشاويّه
عن ابوك الخيل، والخير و الرفقه
والنعم والفين نعمٍ رشايديه