كلمات قصيدة قصيدة خاب ظني بالزمان | مساعد الرشيدي

كلمات قصيدة قصيدة خاب ظني بالزمان | مساعد الرشيدي ، ويش اسوي لاطريق ولاخوي ، مساعد الرشيدي

%d9%83%d9%84%d9%85%d8%a7%d8%aa-%d9%82%d8%b5%d9%8a%d8%af%d8%a9-%d9%82%d8%b5%d9%8a%d8%af%d8%a9-%d8%ae%d8%a7%d8%a8-%d8%b8%d9%86%d9%8a-%d8%a8%d8%a7%d9%84%d8%b2%d9%85%d8%a7%d9%86-%d9%85%d8%b3%d8%a7%d8%b9
 

ويش اسوي لاطريق ولاخوي
لاقرار ولاخيار ولامصير
الليالي تلوي ذراعي لوي
والرفيق السيف يغريه الجفير
والضياع بسكاتي يدوي دوي
اتصفق لاسراب ولاغدير
اطوي الظلما وعيت تنطوي
واشتهيت الشوف بعيون الضرير
مثل طير طاح بيدين بدوي
يلعن الطيحه ولايقوى المطير
كل يوم اقول باكر تستوي
وخاب ظني بالزمان وبالنصير
كنت انا الصدر الحنون المحتوي
وكنت انا ل احساسهم سلك الحرير
وصرت انا هاك النحيل المنطوي
تلهث انفاسي ورا حلم كبير
ضاعت الحيلات حيل الله قوي
لاني الأول ولا اظن الأخير
قلت اباصرخ واخر علاجي كوي
وصلت الحلقوم والخاطر كسير
من شرب من كف غيره ماروي
لعنبو كف على المده قصير
لاتعاتب ويش اسوي ياخوي
لاقرار ولاخيار ولامصير

قد يعجبك ايضا