العازمي

كلمات شيلة الصيف | عبدالله العازمي ، ياللي تواعدني من الصيف للصيف .. ما ابيك هذا الصيف تحسب حسابي، اداء عبدالله العازمي ياللي تواعدني من الصيف للصيف .. ما ابيك هذا الصيف تحسب حسابي انا تعبت من السفر والتكاليف .. البنك لو لا الغرم سكر حسابي يعجبك لو دنياي جتني على الكيف .. عليك ما والله يطول غيابي لا اجبك في لندن وباريس وجنيف .. من وين ما تذهب أحدد ذهابي اصرف وكن اللي صرفته تناتيف .. من مالي اللي ما تشيله ركابي واعطي بعد بخشيش كثر المصاريف .. عندي ملذات الحياة بشبابي اخرب الدنيا من السيف للسيف .. حتى الهضاب اكتب عليها هضابي وفي الفله اللي فوق روس المشاريف .. كن السحابي استغفر الله سحابي اللي درايشها تبطل على الريف .. اجلس معك واحكي حكاية اعجابي واختار لي غيمه وغيمة مواليف .. اكتب عليهن في حضورك كتابي بالاوله اكتب هلا فيك يالضيف .. انت المعزب تحت امرك جنابي بالثانيه اكتب احبك ولا اعيف .. حبك ولو كان كان السبب في عذابي شف وين ودتني معك السواليف .. وانا فقير وراس مالي ثيابي فقير مال اسرح مع الحلم والطيف .. كرامتي بسود الليالي زهابي عزيز نفس ولا انحني للصواديف .. في عز جرحي كنت ناقل صوابي لكن معك عانيت بعض المواقيف .. غير الغياب وحبك اللي سطى بي لانك تبي تعرف كيف انذبح كيف .. بسؤالي اللي ضاق منه جوابي لا قلت حاجز وين بتسافر الصيف .. تحسبني وسط البنك فايض حسابي وانا علي اقساط غير المصاريف .. الوقت ما يرحم سهرك وعذابي اداء : عبدالله العازمي كلمات: ثامر شبيب