كلمات شيلة البساط اخضر صالح الزهيري
كلمات : عثمان الجنيبي
يالزهيري جود مضمونه
شاعراً يغزل قوافيها
جاب لك من ندر اللحونه
لي تعجبك في معانيها
ذي صلاله در مكنونه
تسحر العين وتغذيها
الخريف الغيم ومزونه
اندفق واسقا مفاليها
ازهرت الاديار وركونه
جل ربي لي مسويها
جنةً بالارض مسكونه
البساط اخضر وكاسيها
من رأها تبهت عيونه
وتشرح الخاطر بمن فيها
ديرتن بالعز مصيونه
محتميه في اهاليها
الكرم بظفار يطرونه
وفعلهم يثبت حكاويها
