كلمات شيلة البر حامد الضبعان
ألحان وآداء : حامد الضبعان
كلمات : يعقوب شافي
البر طب أهل القلوب الحزينه
خلو دكاترة الطوارئ والأزمات
وخوذوا كلام اللي حياته رهينه
للبر والسجه وطول المسافات
في خايعٍ في ضيقتي خابرينه
اجيه وافضفض هموم الدوامات
من شامة مغيلث إلى فياض لينه
هذا هوى نفسي على كل مافات
بالذات لا هبّ البراد بسكينه
وعلّه من الوسمي مزونٍ ثقيلات
مع طلعة الشمس يتنثّر غشينه
سحبٍ تتابع بينها بس لحظات
وحزة غياب الشمس يبدا بحينه
ديمٍ يدوم الليل كله ولا فات
سبحان من خلاه بينه وبينه
شمس النهار وليله الديم مابات
أسبوع كامل بالعدد حاسبينه
بأمر الولي كنه تناوب بشفتات
وبعده تشوف لبادي النبت عِينه
وتحيا الغصون اللي من الكنة أموات
ويزين وقت البر يا عاشقينه
وريح الخزامى مثل فخم العطورات
هذا علاجي يالقلوب الحزينه
ماهي علاجات الطوارئ والأزمات
