كلمات شيلة حظ عيني فالح بن فصلا وفهد بن فصلا كلمات الشيلات
كلمات : سعيد بن مانع
ألحان : فالح بن فصلا
ياحظ عيني بس في شوف عينك
بك تختصر كل العنا والمشاوير
من ليل شَعرك لين يشرق جبينك
تمسي على خيرٍ , وتصبح على خير
الله على كثر المحبة .. يعينك
وأستوحد بقلبك وأنا أولى من الغير
بأعلّمك عن شي بيني و بينك
تدري إنك أجمل شي من قبل لا يصير !
مشيت لك من قبل لا آعرْف وينك
مصدّق إحساسي كذا دون تفكير
ولقيتك أجمل من هقاوي ظنينك
ولا خانني في الهقوة إلا التعابير
كلامك وحسنك وعطفك و لينك
استخلصوا منها جميع المعايير
حتى “ الفلاتر “ حددوها بزينك
كلن يبي مثلك ولو كان تصوير
تزيّنت دنياي على يدينك
وساقت على قربك علوم التباشير
الحظ زعّلني قبل شوف عينك
و رضيت عنّه يوم جابك معاذير
