كلمات شيلة طويل الرمش احمد ال شملان

كلمات شيلة طويل الرمش احمد ال شملان شيلات جديدة مكتوبة

كلمات : محمد بن جمشان

البارحة ممسي ن في راس مرقابي
قلب العنى يا حمد دارت دواليبه

جمر الشجن في صبي العين شبابي
والضيق مركي على كبدي مشاهيبه

الله ولا العلة اللي تلوي اعصابي
حلت على صدر من طالت .. تغاريييبه

لو فادها الكي والا طب الاعشابي
ما كان نومي معيي الليل يا تي به

حب الغنادير والا حب الاجنابي
عيت معي يا حمد تصفي مشاريبه

اسلم وسلم على مصفوف الاهدابي
ثم قله الزين ما جتنا .. مكاتيبه

ماهوب حق ن يخليني على النابي
يرسل بريد المحبه لييه يبطي به

وان قال شفت .. الهوى .. لا شك غلابي
افوالله ان عاد وده بي وودي .. به

قولوا له اني امشرع كل الابوابي
وان عاد له .. فالحشا مجلس وترحيبه

والله ولولا الحيا من عذب الانيابي
ان انقش اسمه على قافي واغني به

كم لي .. وانا من طويل الرمش منصابي
وادواي عنده ولا ارسل به مناديبه